~~META:
title = Уладзіслаў Сыракомля — Не я пяю — народ божы
&keywords = Сыракомля, народ
&abstract = Чытаць верш Уладзіслава Сыракомлі "Не я пяю — народ божы"
&iftrue = nan
~~

====== Уладзіслаў Сыракомля — Не я пяю — народ божы ======
Не я пяю — народ Божы.\\
Даў мне ў песні лад прыгожы,\\
Бо на сэрцы маю путы\\
I з народам імі скуты.\\
\\
З ім я зліўся з добрай волі,\\
Чы то ў долі, чы ў нядолі,\\
Чы гдзе гора абзавецца,\\
Як асіна, грудзь трасецца.\\
Чы пра радасць чую весці,\\
Усё у грудзь хаваю гдзесьці.\\
\\
Мне гаворыць вёска, хата,\\
Мне гаворыць сэрца брата,\\
Рад збіраю, што пачую,\\
У грудзі сваёй нашу я,\\
Аж, як траўка на кургане,\\
Яно ўзыйдзе — песняй стане.\\
\\
1844

 


===== Падобныя старонкі =====
  * [[творы/уладзіслаў-сыракомля/уладзіслаў-сыракомля-добрыя-весці]]
  * [[постаці/уладзіслаў-сыракомля]]
  * [[творы/уладзіслаў-сыракомля/уладзіслаў-сыракомля-ужо-птушкі-пяюць-ўс]]
  * [[творы/уладзіслаў-сыракомля/уладзіслаў-сыракомля-хадыка]]
  * [[творы/уладзіслаў-сыракомля/уладзіслаў-сыракомля-паштальён]]