Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Уладзіслаў Галубок — Забытая хатка
&keywords = хатка, дзядуля, дзед
&abstract = Чытаць верш Уладзіслава Галубка "Забытая хатка"
&iftrue = nan
~~

====== Уладзіслаў Галубок — Забытая хатка ======
Над соннай далінай\\
Відаць хмызнячок,\\
Пры ім сірацінай\\
Хацінка-дамок.

Жыве там гаротны\\
Дзядуля з дня ў дзень,\\
Збалелы, маркотны,\\
Снуе толькі цень.

Калісь быў ён молад,\\
Дуж быў, як той леў;\\
I холад і голад\\
Ён занішто меў.

Жыццё прамінула,\\
Як сон той вясной, –\\
Старога сагнула\\
Бяда, неспакой;

Меў дзетак – вось сына\\
Забрала вайна;\\
Другога машына\\
У магілу звяла;

За імі і маці\\
Пайшла на той свет...\\
Астаўся у хаце\\
Адзін-адным дзед.

Сядзіць скачанеўшы,\\
Сагнуты дугой,\\
Не піўшы, не еўшы,\\
З нямою душой...

Віхура за хатай\\
Гудзіць і шуміць,\\
З пагудкай заклятай\\
У шыбы гручыць.

I як бы галосіць\\
Над ім, сіратой,\\
I нібыта просіць\\
На вечны спакой...

Крапіўся дзядуля –\\
Займацца стаў дух,\\
Прыйшла смерць-зязюля,\\
Як свечка, патух.

Чырвонае сонца\\
З-за лесу ўзышло,\\
У хатцы аконца\\
Агнём заліло,

Ды хатка пустая –\\
Ужо дзеда няма!\\
Цяпер там гуляе\\
I холад, і цьма.

 


===== Падобныя старонкі =====
  * [[ibdc.ped>нашы-хаты]]
  * [[творы/уладзіслаў-сыракомля/уладзіслаў-сыракомля-пра-маю-старую-хатк]]
  * [[ibdc.ped>просім-у-хату-госцейкі-нашы]]
  * [[ibdc.ped>хаты-беларусаў]]
  * [[ibdc.ped>людчына-хата]]