~~META:
title = Уладзімір Караткевіч — Лісце
&keywords = лісце
&abstract = Чыаць верш "Лісце" Уладзіміра Караткевіча
&iftrue = nan
~~

====== Уладзімір Караткевіч — Лісце ======
Восень прайшла пералескамі,\\
Па няголеным ржышчы ніў,\\
Чырвонымі арабескамі\\
Лісце лес ураніў.\\
Глянь на зямлю залатую,\\
Пяшчотную, сумную, чыстую,\\
Нехта па ёй вандруе,\\
Ў паветра ўзнімаючы лісце.\\
Струменьчыкам тонкім лісце.\\
Медзь на азёрах сплывае,\\
Сум у небе імглістым...\\
Як песня, з галін злятае\\
Лісце, лісце,\\
Залацістае лісце,\\
Сто лісцяў,\\
Дзесяць лісцяў,\\
Ліст.

 


===== Падобныя старонкі =====
  * [[творы/аркадзь-куляшоў/аркадзь-куляшоў-ліст-з-палону]]
  * [[творы/анатоль-грачанікаў/анатоль-грачанікаў-як-ападае-ліст]]
  * [[творы/еўдакія-лось/еўдакія-лось-мінулагодні-ліст]]
  * [[творы/уладзімір-караткевіч/уладзімір-караткевіч-лісце-каштанаў]]
  * [[творы/уладзімір-караткевіч/творчасць-уладзіміра-караткевіча]]