~~META:
title = Уладзімір Жылка — Туман
&keywords = Жылка, туман
&abstract = Чытаць верш Уладзіміра Жылкі "Туман"
&iftrue = nan
~~

====== Уладзімір Жылка — Туман ======
Навіс пасцілкаю туман,\\
З імглы сатканы часта-густа,\\
Заслаў лес, поле і курган,\\
Паўзе да хат, як смоўж той тлусты.\\
I быццам цяжкі грэх жыцця,\\
На сэрца шэрай лёг жудою,\\
I яснасць дум і пачуцця\\
Прыкрыў, халодны ён, сабою.\\
\\
1923

 


===== Падобныя старонкі =====
  * [[творы/аляксей-пысін/аляксей-пысін-туман]]
  * [[постаці/уладзімір-жылка]]
  * [[творы/васіль-быкаў/васіль-быкаў-у-тумане]]
  * [[ibdc.ped>туман]]
  * [[ibdc.ped>першы-парушальнік]]