~~META:
title = Уладзімір Жылка — Сёмуха
&keywords = двары, зямлі, коскі, вёскі
&abstract = Чытаць санет "Сёмуха" Уладзіміра Жылкі
&iftrue = nan
~~

====== Уладзімір Жылка — Сёмуха ======
Начыста змецены і вуліца й двары,\\
Ля ганка і варот паўбітыя бярозкі –\\
Сягоння Сёмуха, сягоння свята вёскі.\\
I весялейшае не знойдзецца пары.\\
\\
Пагодны, ясны дзень. У полі і ў бары\\
Паветра хмельны пах, смяюцца сонца коскі,\\
А ў хаце бел абрус, падходны блін дар Боскі\\
I шчасцем свецяцца мужычыя твары.\\
\\
І веру радасна я болей, чым калі,\\
Ў вялікі лёс і шлях Радзімае зямлі:\\
Абуджаны народ быліц дазнае сказ –\\
\\
Узрушыць як адзін пры свеце бліскавіцы.\\
Прыйдзі хутчэй! Я жду цябе, жаданы час.\\
Дай думам сёмушным і казкам дай здзяйсніцца.\\
\\
1921

 


===== Падобныя старонкі =====
  * [[творы/янка-купала/янка-купала-для-зямлі-прадзедаў-маіх]]
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/санет]]
  * [[творы/максім-багдановіч/максім-багдановіч-санет-паміж-пяскоў-егі]]