~~META:
title = Уладзімір Жылка — Раніцою
&keywords = сэрца, сонца
&abstract = Чытаць верш Уладзіміра Жылкі "Раніцою"
&iftrue = nan
~~

====== Уладзімір Жылка — Раніцою ======
Бывайце! Ізноў мне ўсміхаюцца далі,\\
I сонца ў крыві і пястуе валоссе.\\
Забыўся я дома нудоту і жалі,\\
I ў свеце мне сніцца ліхое звялося.\\
Чароўнасцю веюць хмурынак румянцы,\\
I з цішаю звонкасць цалуюцца ў губы.\\
О ветрыку свежы, скажы там каханцы,\\
Які гэты свет – і салодкі і любы!\\
Іду я па росным зялёным каберцы,\\
І песня ад шчасця ў знямозе нямее,\\
I сэрца, як сонца, і сонца, як сэрца,\\
Сусветнае сэрца гарыць, палымнее!\\
\\
1929

\\
\\
Крыніца: Анталогія беларускай паэзіі. У 3 т. Т. 2 / Рэдкал.: Р. Барадулін і інш.; Уклад. Л. Лойка. Мн.: Маст. літ., 1993. – 623 с.

 


===== Падобныя старонкі =====
  * [[творы/уладзімір-жылка/уладзімір-жылка-меч]]
  * [[постаці/уладзімір-жылка]]
  * [[творы/уладзімір-жылка/уладзімір-жылка-каханне]]
  * [[творы/уладзімір-жылка/уладзімір-жылка-марта]]
  * [[творы/уладзімір-жылка/уладзімір-жылка-хараство]]