~~META:
title = Уладзімір Жылка — На ростані
&keywords = ростані, далі, думкі
&abstract = Чытаць верш Уладзіміра Жылкаі "На ростані"
&iftrue = nan
~~

====== Уладзімір Жылка — На ростані ======
На ростані дарогаў многа,\\
А лучнасць іх – пахілы крыж.\\
І вецер лёгкі на разлогах,\\
І неба яснасць, шыр і выш.\\
\\
Ранейшай працы дасяганні,\\
Наўкол – зялёныя жыта;\\
І свежасць росаў светлых рання,\\
І траў высокіх любата.\\
\\
І так прывабны далі, далі\\
Ў задуме вечнай і смузе,\\
За той смугою думкі ў жалі,\\
Нязрадна, вечна у тузе.\\
\\
І торба вось, і кій дарожны:\\
Пара ў пуціну мне даўно...\\
А я – нясмелы і трывожны,\\
А я – на ростані адно.\\
\\
1923

 


===== Падобныя старонкі =====
  * [[творы/уладзімір-жылка/уладзімір-жылка-меч]]
  * [[творы/уладзімір-жылка/уладзімір-жылка-хараство]]
  * [[творы/уладзімір-жылка/уладзімір-жылка-марта]]
  * [[постаці/уладзімір-жылка]]
  * [[творы/уладзімір-жылка/уладзімір-жылка-каханне]]