Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Уладзімір Жылка — Наш лёс, бы кат з рукой забойнай...
&keywords = душа, звініць
&abstract = Чытаць верш Уладзіміра Жылкі "Наш лёс, бы кат з рукой забойнай..."
&iftrue = nan
~~

====== Уладзімір Жылка — Наш лёс, бы кат з рукой забойнай... ======
Наш лёс, бы кат з рукой забойнай.\\
Бязлітасней рука каго?\\
Ды ўмее вой адзін спакойна,\\
Без роспачы прыняць яго.\\
\\
І ўмее вой цвёрдакаленна\\
Ўстаяць перад навалай злой\\
І ўсё губляючы, нязменна,\\
Данесці абавязак свой.\\
\\
Губляць жа болей немагчыма\\
І зносіць болей немага:\\
Народ, Свабода і Радзіма, –\\
На ўсё прыйшла адна чарга.\\
\\
Найдаражэйшае, святое –\\
Ўсё, чым натхнялася душа,\\
Чужою збэшчана рукою,\\
Сваволяй скута палаша.\\
\\
Але пад лобам хмурым гэтым,\\
У гэтай думнай галаве\\
Імкненне да апошняй мэты\\
Непераможнае жыве.\\
\\
Непераможнай волі шалам,\\
Перамагаючым і лёс,\\
Звініць душа з былым запалам,\\
Звініць без сумніву і слёз.\\
\\
І покі пруткі шчэ цягніцы,\\
І покі ў жылах точыць кроў, –\\
Ніхто не ўбачыць голаў ніцы,\\
Пакорлівых не ўчуе слоў.\\
\\
І покі сэрца поўна гневам,\\
І гнеў драпежней крумкача, –\\
Вітаю бой ваяцкім спевам\\
І звонам вострага мяча.\\
\\
Калі ж нараз ад лучнай раны\\
Звалюся, сходзячы крывёй,\\
І вораг, перамогай п’яны,\\
Накпіць нягожа нада мной, –\\
\\
Я і тады здалею гарда\\
Стрымаць гадзін апошніх золь,\\
Мая нянавісць і пагарда\\
Не ўдасць, не здрадзіць люты боль.\\
\\
1925

 


===== Падобныя старонкі =====
  * [[ibdc.ped>скарбы-нашай-радзімы]]
  * [[творы/алесь-бачыла/алесь-бачыла-радзіма-мая-дарагая]]
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/цётка-алаіза-пашкевіч/цётка-хрэст-на-свабоду]]
  * [[творы/алесь-разанаў/алесь-разанаў-радзіма]]