Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Уладзімір Жылка — Марта
&keywords = Жылка, Марта
&abstract = Чытаць верш Уладзіміра Жылкі "Марта"
&iftrue = nan
~~

====== Уладзімір Жылка — Марта ======
Апратка проста і будзённа,\\
Сабраны ў косу валасы,\\
Снуе задума звольна, сонна\\
Убор звычайнае красы.\\
\\
Нібы ў гадзінніку пясковым,\\
Плыве цурок драбніц-клапот,\\
Жаданні цюцькаю вартовым\\
Не адбягуцца ад варот.\\
\\
Бяздум'е броваў непрывабна,\\
І на твары спакой цяжкі,\\
Пастава пруткая нязграбна,\\
Нязграбны рух яе рухі.\\
\\
Імя, як ноч, глухое - Марта<sup>1</sup>\\
Не зачаруе чулы слух,\\
Пагляд прыцішаны, упарты\\
Лятункамі не ўскрыліць дух.\\
\\
Вось гэткую, Хрысце, ў Бетане<sup>2</sup>\\
Ты знаў, як я, ў сваю пару,\\
Марыі, ўзвышанай каханнем,\\
Затурбаваную сястру.\\
\\
І Ты, калі ад воч Марыі<sup>3</sup>\\
На Марце супыняў свой зрок,\\
Ты сілы знаў яе зямныя,\\
Няўдалы, цяжкі бачыў крок.\\
\\
І Ты пад лёгкаю тканінай\\
Грудзей заўважваючы спель,\\
Ты чуў, як кроў стае няўпыннай,\\
Як захмяляе цела бель.\\
\\
І дума здрадная самоты\\
Ўзнікала іскрай між другіх:\\
Ці гэткім аддаюць пяшчоты?\\
Ці льга кахаць такіх брыдкіх?..\\
\\
Прайшлі вякі... Яна ж адвечна\\
Ўсё тою ж буднасцю цвіце,\\
І я на думцы недарэчнай\\
Лаўлю сябе, як Ты, Хрысце.\\
\\
1923

1. Марта (бібл.) - сястра Лазара і Марыі Магдаліны, разам з Марыяй прымала Ісуса Хрыста ў сваім доме ў Віфаніі (Бетані).\\
2. Бетань (Віфанія) - мясцовасць на поўдзень ад Іерусаліма, дзе Ісус Хрыстос уваскрасіў Лазара.\\
3. Марыя Магдаліна (бібл.) - сястра Лазара, паслядоўніца Ісуса Хрыста, адна з міраносцаў. Прысутнічала на Галгофе пад час укрыжавання Хрыста; згодна Дабравесцю паводле Яна (раздзел XII) Марыя Магдаліна пасля ўваскрашэння Лазара памазала Хрысту ногі нардавым мірам і абцерла сваімі валасамі. На яе ж была ўскладзена місія звеставання апосталам пра ўваскрашэнне Хрыста. У сусветнай літаратуры Марыя Магдаліна стала вобразам блудніцы, якая пакаялася.\\
[[постаці/уладзімір-жылка|Уладзімір Жылка]] супрацьпастаўляе прыгожую, "узвышаную каханнем" Марыю - Марце "ў апратцы простай і будзённай", з "нязграбнай паставай" і "прыцішаным паглядам".

 


===== Падобныя старонкі =====
  * [[творы/уладзімір-жылка/уладзімір-жылка-каханне]]
  * [[творы/уладзімір-жылка/уладзімір-жылка-матылі]]
  * [[творы/уладзімір-жылка/уладзімір-жылка-хараство]]
  * [[творы/уладзімір-жылка/уладзімір-жылка-меч]]
  * [[постаці/уладзімір-жылка]]