~~META:
title = Уладзімір Жылка — Максім Багдановіч
&keywords = ведаць
&abstract = Санет Уладзіміра Жылкі "Максім Багдановіч"
&iftrue = nan
~~

====== Уладзімір Жылка — Максім Багдановіч ======
//Санет//

\\
Так зайздрасна: насіць вянок паэта\\
І мець імя задумнае Максім,\\
Кахаць зямлю з яе жыццём глухім\\
І песняй перавіць юнацтва леты;\\
\\
Ад хараства не ведаць іншай мэты\\
І адшукаць, што горда поўны ім\\
І родны люд у руху маладым,\\
І зачарованых палеткаў кветы.\\
\\
Ды тым цяжэй ў краі чужым заўжды\\
Счыняць павекі й ведаць, што сюды\\
Не даляціць зязюлі голас летам\\
\\
І песня беларуская ў жніво,\\
І прыгадаць няраз, што мо і ў гэтым\\
Трагічнае схавана хараство.\\
\\
1927

 


===== Падобныя старонкі =====
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[творы/янка-купала/янка-купала-для-зямлі-прадзедаў-маіх]]
  * [[слоўнік/санет]]
  * [[творы/максім-багдановіч/максім-багдановіч-санет-паміж-пяскоў-егі]]