~~META:
title = Уладзімір Жылка — Каханне
&keywords = Жылка, каханне
&abstract = Чытаць санет "Каханне" Уладзіміра Жылкі
&iftrue = nan
~~

====== Уладзімір Жылка — Каханне ======
З'явілася, і чую сіл крыніцу,\\
І думы незвычайныя мае, -\\
То боль жыцця, то лёгкасць смерці сніцца,\\
І сэрца незнаёмае пяе.\\
\\
Яна ж красой варожыць, чараўніца:\\
Як гады, віснуць косы з плеч яе,\\
А вочы з-пад павек - з-за хмар зарніца,\\
І тайнасць складак вопраткі заве.\\
\\
Атручан хмельным соладам кахання,\\
На кліч таёмны йду без дум, пытанняў\\
Вітаці светлавокую Лауру.\\
\\
А з вуснаў шчырых рвецца ўжо санет\\
Гучны, нібы віхор свавольны ў буру,\\
І радасны, бы ўлюблены паэт.\\
\\
1921

 


===== Падобныя старонкі =====
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/санет]]
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-паміж-пяскоў-егі]]