~~META:
title = Уладзімір Жылка — Душа мая тужлівая...
&keywords = балот, лілея, тужлівая, душа
&abstract = Чытаць верш Уладзіміра Жылкі - Душа мая тужлівая...
&iftrue = nan
~~

====== Уладзімір Жылка — Душа мая тужлівая... ======
Душа мая тужлівая –\\
Лілея між балот.\\
Яна ўзрасла, маўклівая,\\
Між багны сонных вод.\\
\\
Ёй сніцца неба сіняе,\\
Дзе сонечна вясна,\\
І песняй салаўінаю\\
Атручана яна.\\
\\
І нешта патаёмнае\\
Шапоча родна ціш,\\
І ў ночы цёмна-цёмныя\\
Чаруе зорна выш.\\
\\
Наўкол жа ціна брудная,\\
І плесня, й гідкі пах,\\
Чыесь уздыхі трудныя,\\
Нуда і нейкі жах.\\
\\
І штось незразумелае\\
Шуміць-пяе чарот,\\
Чаго не пойме белая\\
Лілея між балот.\\
\\
1921

 


===== Падобныя старонкі =====
  * [[постаці/уладзімір-жылка]]
  * [[творы/уладзімір-жылка/уладзімір-жылка-каханне]]
  * [[творы/уладзімір-жылка/уладзімір-жылка-марта]]
  * [[творы/уладзімір-жылка/уладзімір-жылка-хараство]]
  * [[творы/уладзімір-жылка/уладзімір-жылка-меч]]