~~META:
title = Уладзімір Жылка — Віхор
&keywords = Жылка, віхор
&abstract = чытаць верш "Віхор" Уладзіміра Жылкі
&iftrue = nan
~~

====== Уладзімір Жылка — Віхор ======
Гасцём і мараю трывожнаю\\
Зляцеў да нас з-пад самых зор.\\
Краінай любаю разложнаю\\
Імкне, гудзе, шуміць віхор.\\
\\
І не, не злы, але бушуючы,\\
Ў шалёным імпэце ўвесь ён,\\
Ваду азёр і рэк хвалюючы,\\
Пусціў па пушчах песню-звон.\\
\\
Грыміць, гудзе ўсё недарэчнае,\\
Штораз віхор гучней, прудчэй.\\
Услухайся, паймі адвечнае –\\
І гімны вырвуцца з грудзей.\\
\\
Пара, пара дазнацца, зверыцца\\
Сваіх магутных сонных сіл!\\
Адважны хто спыніць намерыцца\\
Размах жыцця і творчы пыл?..\\
\\
Дзе йдзем? І дзе капцы канцовыя?\\
Дзе ходу нашаму мяжа?..\\
Ў адказ віхор пяе ўсё новае,\\
І лязіво блішчыць нажа!

 


===== Падобныя старонкі =====
  * [[творы/уладзімір-жылка/уладзімір-жылка-меч]]
  * [[постаці/уладзімір-жылка]]
  * [[творы/уладзімір-жылка/уладзімір-жылка-марта]]
  * [[творы/уладзімір-жылка/уладзімір-жылка-хараство]]
  * [[творы/уладзімір-жылка/уладзімір-жылка-каханне]]