~~META:
title = Уладзімір Дубоўка — I гінулі яны за косы Клеапатры...
&keywords = Дубоўка, гінулі, косы
&abstract = Чытаць верш "...I гінулі яны за косы Клеапатры..." Уладзіміра Дубоўкі
&iftrue = nan
~~

====== Уладзімір Дубоўка — I гінулі яны за косы Клеапатры... ======
...I гінулі яны за косы Клеапатры,\\
за вочы тыя, што не сняцца нават.\\
Да ног прыносілі, —\\
а неслі ўпарта, —\\
жыццё, свой лёс і славу...\\
\\
...I гінулі яны у хваляванні лавы,\\
якую слаў, радзіў Везувій.\\
Апошні раз на мармуровых лавах\\
лавілі вуснаў лоскат, цень надзеі.\\
Затым з Пампеяй казкаю заснулі...\\
\\
...I гінулі яны штодзённа і штогодна,\\
за ласкі шчырыя, хвілінныя, за ласкі...\\
Дарма, што з блудніцай нягоднай,\\
дарма, што многакраць, не першы.\\
I так ад Рыму да Аляскі...\\
\\
1925

 


===== Падобныя старонкі =====
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[постаці/уладзімір-дубоўка]]
  * [[творы/уладзімір-дубоўка/лірыка-уладзіміра-дубоўкі]]