~~META:
title = Уладзімір Дубоўка — Імжа, і склізота, і прыкрая золь
&keywords = Імжа, і склізота, і прыкрая золь
&abstract = Чытаць верш Уладзіміра Дубоўкі "Імжа, і склізота, і прыкрая золь"
&iftrue = nan
~~

====== Уладзімір Дубоўка — Імжа, і склізота, і прыкрая золь ======
Імжа, і склізота, і прыкрая золь\\
за скрогатам ветру – навалай.\\
У чмарнасць убралася светава столь,\\
блакіт ад зямлі адарвала.\\
\\
Журба расплялася кудлатай лазой,\\
у сэрца цярушыцца шэрань.\\
А вецер шпурляе, як морскі прыбой,\\
пясок і журбу аб каменне.\\
\\
І скогат, і скарга – спакою нідзе,\\
пад засцілай ночы – варожасць.\\
А ўпартасць да мэты вяла і вядзе,\\
пра шчасце і радасць варожыць...\\
\\
1922

 


===== Падобныя старонкі =====
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/лірыка-уладзіміра-дубоўкі]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]