~~META:
title = Уладзімір Дубоўка — Часіна ды з сокам рабіны...
&keywords = Дубоўка, часіна
&abstract = Чытаць верш Уладзіміра Дубоўкі "Часіна ды з сокам рабіны..."
&iftrue = nan
~~

====== Уладзімір Дубоўка — Часіна ды з сокам рабіны... ======
Часіна ды з сокам рабіны,\\
качаеш мяне ў чарнобыллі.\\
На дзіды, на востры шыпшыннік\\
ці сэрца, ці дух мой узбілі.\\
\\
Калышуцца скаргі і моўкнуць,\\
разносяцца разам пялёсткі.\\
Не хоча Ўладзімір Дубоўка\\
спяваць пад зазубраны лёскат.\\
\\
Пачаў — хай канчаюць другія,\\
шляхі — адшукаю сабе я.\\
Загіну — няхай і загіну,\\
мне гімнамі будуць завеі.\\
\\
1925

 


===== Падобныя старонкі =====
  * [[творы/уладзімір-дубоўка/лірыка-уладзіміра-дубоўкі]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/уладзімір-дубоўка-i-гінулі-яны-за-косы-к]]
  * [[постаці/уладзімір-дубоўка]]