~~META:
title = Уладзімір Дубоўка — Часам успомнішся нечакана
&keywords = занізь, морскім, вечар, далёка, караляў, перлаў, нечакана, знічкай, мільганеш, успомнішся, пурпурна-ліловых
&abstract = Чытаць верш Уладзіміра Дубоўкі "Часам успомнішся нечакана"
&iftrue = nan
~~

====== Уладзімір Дубоўка — Часам успомнішся нечакана ======
Часам успомнішся нечакана,\\
знічкай ля воч тады мільганеш.\\
Занізь пурпурна-ліловых караляў,\\
занізь перлаў на морскім дне...\\
\\
Помніцца вечар той вельмі доўга:\\
палкія вочы, хістанне плеч...\\
Ты мне спявала пра сінюю Волгу,\\
сэрца не будзе больш смылець.\\
\\
Згадкі ўзмацняюць нас і гартуюць,\\
нават спавітыя горкай травой.\\
Толькі успомню цябе, залатую, –\\
жоўкне смутак, цвіце супакой...\\
\\
Хочацца песню табе праспяваць мне\\
пра Сож, пра Нарач і пра Дзвіну.\\
Такжа пра тое, што сілы не трацім,\\
а набываем, каб лёс развінуць...\\
\\
Толькі далёка ўсё гэта, далёка:\\
ў песнях нашых – фермато размах...\\
Вечар на ўзвышшы успёрся на локаць,\\
рокат ў далінах і далавах...\\
\\
Зноў ты успомнішся нечакана,\\
знічкай ля воч зноў мільганеш.\\
Занізь пурпурна-ліловых караляў,\\
занізь перлаў на морскім дне...\\
\\
1925\\


\\
Крыніца: Душа мая тужлівая... : вершы і паэмы / уклад. В. А. Шніп. – Мінск: Маст. літ., 2005. – 303 с. – (Беларуская паэзія ХХ стагоддзя).

 


===== Падобныя старонкі =====
  * [[творы/уладзімір-дубоўка/лірыка-уладзіміра-дубоўкі]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/уладзімір-дубоўка-паляжам-мы]]