~~META:
title = Уладзімір Дубоўка — Ты напорна ідзеш, маладая
&keywords = Дубоўка, напорна, маладая
&abstract = Чытаць верш Уладзіміра Дубоўкі "Ты напорна ідзеш, маладая"
&iftrue = nan
~~

====== Уладзімір Дубоўка — Ты напорна ідзеш, маладая ======
Ты напорна ідзеш, маладая,\\
да вядомага ўпартай хадою.\\
Табе песні, сястрыца, складаю,\\
заварожаны доляй такою.\\
\\
Па-над сцежкаю месяц устане\\
і раскіне вяночкамі зоры.\\
У бязмежным сваім акіяне\\
свой ліхтар ён засвеціць нам скора.\\
\\
Калі лёс нам кладзе перашкоды,\\
мы іх знішчым дашчэнту, у корань.\\
Найвялікшая ў тым асалода:\\
тады дух твой са светам гаворыць.\\
\\
Калі сцежка травой зарастае\\
ці на сцежцы ламачча, карэнне,\\
о, дзяўчына! — не будзе адчаю, —\\
мы на лепшае сцежку павернем.\\
\\
Думкай яснай злятаю у высі,\\
месяцовых вяночкаў дастану.\\
Бо яны для цябе завіліся\\
і табе яны будуць, каханай.\\
\\
1926

 


===== Падобныя старонкі =====
  * [[творы/уладзімір-дубоўка/уладзімір-дубоўка-паляжам-мы]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/лірыка-уладзіміра-дубоўкі]]