~~META:
title = Уладзімір Дубоўка — Ты дэкляруеш мне долю...
&keywords = вецер, прыйдзе, крылле, паляту, край
&abstract = Чытаць верш Уладзіміра Дубоўкі "Ты дэкляруеш мне долю..."
&iftrue = nan
~~

====== Уладзімір Дубоўка — Ты дэкляруеш мне долю... ======
Ты дэкляруеш мне долю і волю?\\
Мне на чужой старане трэ палацы?\\
Ты мне гаворыш, што злёт груганоў\\
Знішчыў мой край, смерць гняздо там звіла?..\\
\\
Бедны ён? Пушчы? Балоты? Каменне?\\
Стогне народ пад пятой жыцця-ката? –\\
Годзе! Чакаю я толькі той дзень,\\
Сталлю калі акуецца рука!\\
\\
Вецер! Мой вольны браточак ты вецер!\\
Крылле мне!.. Крылле свае мне пазычыш?! –\\
Я паляту, паляту... Хай жыве\\
Край сасонак, кляноў і лазы!..\\
\\
Дам тым вадзіцы, што б’юцца за шчасце,\\
Тых пракляну, што нам юдамі сталі...\\
Прыйдзе наш час, веру – прыйдзе наш час!\\
Вецер! Мой любы! –

Чакаюць там нас...

\\
1922

 


===== Падобныя старонкі =====
  * [[ibdc.ped>святло-радзімы]]
  * [[ibdc.ped>свой-край]]
  * [[ibdc.ped>мой-край]]
  * [[творы/васіль-зуёнак/васіль-зуёнак-будучыня]]
  * [[творы/авяр-ян-дзеружынскі/авяр-ян-дзеружынскі-я-спяваю-ты-спявай]]