~~META:
title = Уладзімір Дубоўка — О Беларусь, мая шыпшына
&keywords = беларусь, шыпшына, зялёны, ліст, чырвоны, цвет, дзікім
&abstract = Верш Уладзіміра Дубоўкі "О Беларусь, мая шыпшына"
&iftrue = nan
~~

====== Уладзімір Дубоўка — О Беларусь, мая шыпшына ======
О Беларусь, мая шыпшына,\\
зялёны ліст, чырвоны цвет!\\
У ветры дзікім не загінеш,\\
чарнобылем не зарасцеш.\\
\\
Пялёсткамі тваімі стану,\\
на дзіды сэрца накалю.\\
Тваіх вачэй – пад колер сталі –\\
праменне яснае люблю.\\
\\
Ніколі пройме з дзікім ветрам\\
не развіваць дзявочых кос.\\
Імкнешся да Камуны Свету,\\
каб радасць красавала скрозь.\\
\\
Варожасць шляху не зачыніць:\\
у перашкодах дух расце.\\
О Беларусь, мая шыпшына,\\
зялёны ліст, чырвоны цвет!\\
\\
1925

 


===== Падобныя старонкі =====
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/уладзімір-дубоўка/лірыка-уладзіміра-дубоўкі]]
  * [[постаці/уладзімір-дубоўка]]