~~META:
title = Уладзімір Дубоўка — Ніколі праўда не ўмірае
&keywords = Дубоўка, ніколі, праўда, ўмірае
&abstract = Чытаць верш Уладзіміра Дубоўкі "Ніколі праўда не ўмірае"
&iftrue = nan
~~

====== Уладзімір Дубоўка — Ніколі праўда не ўмірае ======
Жыццё закон нязломны мае:\\
ніколі праўда не ўмірае.\\
\\
Адно хоць зернетка малое\\
ды застанецца пра былое.\\
\\
Ні на пяску, ні на каменні\\
ушчэнт не выпетрэе зерне:\\
\\
узыдзе, ўсходы будуць з плёнам,\\
з адзінак вырастуць мільёны...\\
\\
1929

 


===== Падобныя старонкі =====
  * [[творы/уладзімір-дубоўка/уладзімір-дубоўка-праўдзівы-хлопчык]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/якуб-колас/казкі-жыцця/якуб-колас-чыя-праўда]]
  * [[творы/змітрок-бядуля/змітрок-бядуля-за-праўду]]