~~META:
title = Уладзімір Дубоўка — Навала мінула, навала далёка...
&keywords = навала
&abstract = Чытаць верш Уладзіміра Дубоўкі "Навала мінула, навала далёка..."
&iftrue = nan
~~

====== Уладзімір Дубоўка — Навала мінула, навала далёка... ======
Навала мінула, навала далёка,\\
у сонца праменні ўвесь грукат загінуў.\\
Вяршаліна дуба схілілася толькі,\\
са жвірам цалуецца, то – успаміны...\\
\\
Як белыя косці, наўсцяж астрыжонкі\\
ў карунках зялёных – туга ў футарале.\\
I страціцца ўся зеляніна, пажоўкне,\\
галосяць бязгучныя соку крышталі.\\
\\
А ліпы красуюць і з верасу водар,\\
расою крышталіць кілім аксамітны.\\
Дубы маладыя з бярозамі воддаль\\
вясноваю смагай суздром апавіты...\\
\\
1925\\


\\
Крыніца: Душа мая тужлівая... : вершы і паэмы / уклад. В. А. Шніп. – Мінск: Маст. літ., 2005. – 303 с. – (Беларуская паэзія ХХ стагоддзя).

 


===== Падобныя старонкі =====
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[творы/уладзімір-дубоўка/лірыка-уладзіміра-дубоўкі]]
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[постаці/уладзімір-дубоўка]]