Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Уладзімір Дубоўка — Лісіца, Леў і Воўк
&keywords = воўк, звычай, ўладар, лісіцы, леў
&abstract = Чытаць казку "Лісіца, Леў і Воўк" у апрацоўцы Уладзіміра Дубоўкі
&iftrue = nan
~~

====== Уладзімір Дубоўка — Лісіца, Леў і Воўк ======
Лісіца, Леў і Воўк\\
пайшлі на паляванне.\\
Прастор увесь замоўк\\
ад страху і чакання.\\
Ідуць паляўнікі,\\
здабычу ловяць,\\
давяць.\\
Здабытак быў такі:\\
каза,\\
алень\\
і заяц.\\
Леў кажа да Ваўка:\\
– Дзялі на ўсіх здабычу!\\
Дзялі папраўдзе,\\
так,\\
як вучыць даўні звычай.\\
Воўк атрымаў загад,\\
не траціць часу марна.\\
Ідзе дзяльба на лад.\\
– Каза –\\
табе, ўладар наш.\\
Лісіцы –\\
зайца дам.\\
Аленя –\\
з’ем я сам...\\
Угневаўся наш Леў,\\
што Воўк яго зняславіў.\\
З Ваўка і скуру здзеў\\
і ад жыцця пазбавіў.\\
– Падзеліш ты цяпер, –\\
Лісіцы кажа ветла, –\\
чакаю ад цябе\\
я праўды самай светлай...\\
Лісіца па зямлі\\
хвастом матнула доўгім.\\
– Каб вы, ўладар, жылі\\
заўсёды без трывогі...\\
Я так і падзялю,\\
як вучыць звычай даўні:\\
казу тваю даю\\
табе я – на сняданне.\\
А зайца –\\
на абед.\\
Аленя –\\
на вячэру...\\
– Ну, дзякую табе!\\
Тваёй дзяльбе я веру!\\
Скажы ты мне цяпер,\\
хто навучыў цябе\\
разумна падзяліць так?!\\
– О уладар вялікі!\\
Вось гэты самы воўк,\\
навекі што замоўк...

 


===== Падобныя старонкі =====
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/лірыка-уладзіміра-дубоўкі]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]