~~META:
title = Уладзімір Дубоўка — Ля Мядзеля ёсць возера адно
&keywords = возера
&abstract = Чытаць санет Уладзіміра Дубоўкі "Ля Мядзеля ёсць возера адно"
&iftrue = nan
~~

====== Уладзімір Дубоўка — Ля Мядзеля ёсць возера адно ======
//Паэту-земляку//

Ля Мядзела ёсць возера адно.\\
Над ім дубы шумяць, гамоняць сосны.\\
У ім, як у празрыстай кроплі роснай,\\
для воч ніколі не закрыта дно:\\
\\
заўсёды светлае і чыстае яно.\\
Каля яго спыняюцца і вёсны\\
здзіўлёныя, у захапленні млосным,\\
а кветы – завіваюцца ў вянок.\\
\\
Пра возера я ўспамінаю гэта,\\
чытаючы любімага паэта:\\
ад сэрца шчырага глыбокі твор.\\
\\
Я думаю, ты не аднойчы бачыў\\
лясное гэна возера, зямляча:\\
ты ж пахадзіў нямала ля вазёр!\\
\\
1958

 


===== Падобныя старонкі =====
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/санет]]