~~META:
title = Уладзімір Дубоўка — Летуценнем пройдзем мы над краем
&keywords = Дубоўка, летуценне, край
&abstract = Чытаць верш Уладзіміра Дубоўкі "Летуценнем пройдзем мы над краем"
&iftrue = nan
~~

====== Уладзімір Дубоўка — Летуценнем пройдзем мы над краем ======
Летуценнем пройдзем мы над краем\\
і загінем, быццам летуценне.\\
Для айчыны шчасце мы ствараем —\\
для свайго і новых пакаленняў.\\
\\
З сэрцам чыстым і душой адкрытай,\\
услаўляючы каханне, дружбу,\\
пройдзем мы на працу і на бітву\\
крокам несупынным, крокам мужным.\\
\\
Разам з моцнымі у думцы смелай\\
пракладаем шлях такі трывалы,\\
каб яго парушыць не пасмела\\
самая зацятая навала.\\
\\
У змаганні многа нас загіне,\\
у змаганні за Камуну Свету.\\
Загалосіць вецер пры даліне,\\
месяц будзе паглядаць, як сведка.\\
\\
А пакуль у жылах кроў іграе,\\
славім і каханне мы, і дружбу.\\
Летуценнем пройдзем мы над краем,\\
крокам несупыкным, крокам мужным...\\
\\
1926

 


===== Падобныя старонкі =====
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/лірыка-уладзіміра-дубоўкі]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]