~~META:
title = Уладзімір Дубоўка — Далёкае мы любім надта...
&keywords = далёкае, магіле
&abstract = Чытаць верш Уладзіміра Дубоўкі "Далёкае мы любім надта..."
&iftrue = nan
~~

====== Уладзімір Дубоўка — Далёкае мы любім надта... ======
Далёкае мы любім надта,\\
чужыншчыне паклоны ўдол.\\
А хто успомніць нашы хаты\\
за ніззю ціхіх кволых слоў?\\
\\
Паэты гімны ўсім складаюць,\\
а беларусам – пушча, гай.\\
Мая краіна дарагая,\\
ты прабачала – выбачай.\\
Такі наш лёс, такая доля,\\
галовы хілім нізка…\\
Ой! Даволі рабства ўжо, даволі,\\
таварыш любы, браце мой!\\
\\
Хай будзе ў кожнага з нас сілы\\
ісці, змагацца – смерць адна. –\\
…Ці пад ярмом, як у магіле,\\
ці у магіле без ярма…

 


===== Падобныя старонкі =====
  * [[творы/уладзімір-дубоўка/лірыка-уладзіміра-дубоўкі]]
  * [[творы/уладзімір-дубоўка/уладзімір-дубоўка-паляжам-мы]]
  * [[постаці/уладзімір-дубоўка]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]