~~META:
title = Уладзімір Дубоўка — Голас партызана
&keywords = партызан
&abstract = Чытаць верш "Голас партызана" Уладзіміра Дубоўкі
&iftrue = nan
~~

====== Уладзімір Дубоўка — Голас партызана ======
Зарос курган густой травой.\\
Над ім няспынны шум дубоў.\\
Знайшлі тут вечны супакой\\
і я, і шэсць маіх сяброў.\\
\\
Кароткі мелі мы загад:\\
— Стаяць, каб вораг не прайшоў!\\
Не адступілі мы назад —\\
ні я, ні шэсць маіх сяброў.\\
\\
Як бліскавіцы з навальніц,\\
гарэлі тут агні агнёў.\\
А мы знішчалі чужаніц —\\
і я, і шэсць маіх сяброў.\\
\\
Наш партызанскі ўвесь атрад\\
дакончыць ворага прыйшоў.\\
Не сталі толькі з імі ў рад\\
ні я, ні шэсць маіх сяброў.\\
\\
Хоць мы ляжалі далавах,\\
хоць не маглі мы стаць ізноў, —\\
сціскалі зброю мы ў руках —\\
і я, і шэсць маіх сяброў.\\
\\
Са зброяй гэтай баявой\\
нас пахавалі ля дубоў.\\
Знайшлі тут вечны супакой\\
і я, і шэсць маіх сяброў.\\
\\
Калі айчына клікне вас,\\
не дайце ворагу шляхоў,\\
як не давалі мы ў той час —\\
і я, і шэсць маіх сяброў...

 


===== Падобныя старонкі =====
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[ibdc.ped>партызан-міша-сільніцкі]]
  * [[постаці/уладзімір-дубоўка]]
  * [[творы/мікола-гіль/мікола-гіль-партызанскі-фотаздымак]]
  * [[ibdc.ped>момант-ляснога-жыцця]]