~~META:
title = Уладзімір Дубоўка — Восень
&keywords = лета, зоры
&abstract = Чытаць верш Уладзіміра Дубоўкі "Восень"
&iftrue = nan
~~

====== Уладзімір Дубоўка — Восень ======
Набліжалася восень да нас\\
ціхутка.\\
Уцякала лета ад восені\\
хутка.\\
\\
Пагубляла, ўцякаючы, лета\\
уборы.\\
А яны – у амшарах, у пушчы, –\\
як зоры.\\
\\
Як чырвоныя зоры, каліна,\\
брусніцы.\\
Ў іх пра новае лета надзея\\
ільсніцца.\\
\\
1958.

\\
Крыніца: Дубоўка У. Выбраныя творы: у 2 т. Т. 1. Вершы. – Мінск: Беларусь, 1965. – 540 с.

 


===== Падобныя старонкі =====
  * [[творы/уладзімір-дубоўка/уладзімір-дубоўка-паляжам-мы]]
  * [[творы/уладзімір-дубоўка/лірыка-уладзіміра-дубоўкі]]
  * [[творы/уладзімір-дубоўка/уладзімір-дубоўка-часіна-ды-з-сокам-рабі]]
  * [[творы/уладзімір-дубоўка/уладзімір-дубоўка-як-сінячок-да-сонца-лё]]
  * [[постаці/уладзімір-дубоўка]]