~~META:
title = Уладзімір Дубоўка — Верас
&keywords = верас
&abstract = Чытаць верш "Верас" Уладзіміра Дубоўкі
&iftrue = nan
~~

====== Уладзімір Дубоўка — Верас ======
Ты ляжыш у мяне на далоні,\\
найдрабнейшая з кветак.\\
Я пытаўся, пытаю сягоння:\\
чым ты вабіш нас

гэтак?

\\
Ледзь прыкметны для нашага вока,\\
быццам зернетка маку.\\
Ад зямлі не расцеш ты высока,\\
і заўважыць не ўсякі.\\
\\
А калі расцвіцеш на узлессі,\\
закрасуеш у пушчы, —\\
хараством ты тады апранешся,\\
сапраўды, неўміручым.\\
\\
Найдрабнейшыя кветкі ствараюць, —\\
твае, верас любімы, —\\
пекнату, што гарыць, не згарае\\
у цудоўных кілімах.\\
\\
Як пабачу цябе, так і ўспомню\\
пералескі, палеткі,\\
дзе калісьці узяў на далонь я\\
ўпершыню твае кветкі.\\
\\
1958

 


===== Падобныя старонкі =====
  * [[творы/янка-журба/янка-журба-дзяўчынка-і-кветкі]]
  * [[творы/міхась-зарэцкі/міхась-зарэцкі-кветка-пажоўклая]]
  * [[творы/васіль-вітка/васіль-вітка-казкі-і-краскі]]
  * [[творы/васіль-зуёнак/васіль-зуёнак-гарлачык]]
  * [[творы/змітрок-бядуля/змітрок-бядуля-кветка]]