Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Сяргей Кавалёў — Звар'яцелы Альберт, або Прароцтва шляхціца Завальні
&keywords = Альберт, Завальня, Чарнакніжнік, Дабро
&abstract = Ідэйны змест п'есы Сяргея Кавалёва "Звар'яцелы Альберт, або Прароцтва шляхціца Завальні"
&iftrue = nan
~~

====== Сяргей Кавалёў — Звар'яцелы Альберт, або Прароцтва шляхціца Завальні ======
П'еса «Звар'яцелы Альберт, або Прароцтва шляхціца Завальні» (1991) – [[слоўнік/рымейк|рымейк]] фантастычных апавяданняў [[постаці/ян-баршчэўскі|Яна Баршчэўскага]]. Асноўны [[слоўнік/канфлікт|канфлікт]] п'есы – гэта канфлікт паміж светлымі і цёмнымі сіламі, паміж Дабром і Злом за чалавека, яго душу, яго лёс. У цэнтры твора – жыццёвы лёс пана Альберта, уладальніка маёнтка, які ў пагоні за нажывай фактычна прадаў душу д'яблу, ролю якога ў п'есе выконвае Чарнакніжнік. Жыццё Альберта цяпер падпарадкавана розным пачварным і агідным істотам, якія падштурхоўваюць яго на самыя нягодныя ўчынкі. Ён становіцца чалавекам без радзімы, выракаецца Бацькаўшчыны. Ён гатовы за ўласны дабрабыт прадаць чалавечую годнасць, грэбуе гісторыяй і культурай свайго народа, гандлюе памяццю продкаў. Аўтарскія ідэалы Дабра, маральнай чысціні ў творы ўвасабляюць мудры шляхціц Завальня і шчырая ў сваіх пачуццях Амелія. Імкнучыся пераканаць Альберта ў неабходнасці жыць па маральна-этычных законах продкаў, Завальня асуджае тых паноў, хто гатовы на здраду Радзіме, на ганьбаванне яе народа, на ашуканства і падман, якія «толькі і дбаюць, каб застацца пры багацці і раскошы...»\\
Вельмі сімвалічна, што аўтар завяршае свой твор «Малітвай за Беларусь», у якой просіць Бога не караць «нас бяспамяцтвам», каб не забыліся мы «святое мовы беларускае, гісторыі і традыцый нашых...»

 


===== Падобныя старонкі =====
  * [[творы/сяргей-кавалёў/сяргей-кавалёў-драўляны-рыцар]]
  * [[творы/сяргей-кавалёў/сяргей-кавалёў-трышчан-ды-іжота]]
  * [[творы/сяргей-кавалёў/сяргей-кавалёў-стомлены-д-ябал]]
  * [[ibdc.ped>лыжы]]
  * [[творы/сяргей-кавалёў/сяргей-кавалёў-хохлік]]