~~META:
title = Сяргей Грахоўскі — Юнакі
&keywords = колькі
&abstract = Верш Сяргея Грахоўскага "Юнакі"
&iftrue = nan
~~

====== Сяргей Грахоўскі — Юнакі ======
Колькі вас загінула, скажыце,\\
Дзе вас пахавалі і калі?\\
Не ў стаптаным беларускім жыце,\\
А ў чужой знявечанай зямлі.\\
\\
Колькі вас, яшчэ не цалаваных,\\
Не спазнаўшых радасці ў жыцці,\\
Заціскала вогненныя раны\\
І дамоў не здолела прыйсці?\\
\\
Што дала ў трынаццатым стагоддзі\\
Тая непатрэбная вайна?\\
Вамі ў кожным жудасным паходзе\\
Сплочана крывавая цана.\\
\\
Што і ад каго вы адстаялі?\\
Дзе вы свой закончылі паход?\\
Многія сабе заваявалі\\
Помнікі у васемнаццаць год.\\
\\
І цяпер у апусцелай хаце\\
Праклінае кожны дзень вайны\\
І глядзіць заплаканая маці\\
Не на сына, а на ардэны.\\
\\
...На чало жалобнай Беларусі\\
З жалем пазіраю ўсё часцей.\\
Хоць не веру ў Бога, а малюся\\
Я за ўсіх унукаў і дзяцей.

 


===== Падобныя старонкі =====
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]
  * [[творы/сяргей-грахоўскі/сяргей-грахоўскі-прызнанне]]
  * [[творы/сяргей-грахоўскі/сяргей-грахоўскі-мама]]
  * [[творы/сяргей-грахоўскі/сяргей-грахоўскі-стары-млын]]
  * [[постаці/сяргей-грахоўскі]]