~~META:
title = Сяргей Грахоўскі — Хто вінаваты?
&keywords = мышка, смятаны, вяршкі, муха
&abstract = Чытаць верш Сяргея Грахоўскага "Хто вінаваты?"
&iftrue = nan
~~

====== Сяргей Грахоўскі — Хто вінаваты? ======
Запытала мама ў мышкі:\\
– Хто тут лазіў у гладышкі,\\
Паздымаў усе вяршкі,\\
Панадкусваў піражкі?\\
Мышка маме адказала:\\
– Я смятаны не лізала,\\
Можа, нехта з’еў другі\\
І вяршкі, і пірагі.\\
Пацягнуўся шэры кот:\\
– Я не браў смятаны ў рот,\\
Скажуць вам і столь, і сцены,\\
Што зрабіўся я сумленны.\\
– Ку-ка-рэ-ку! –\\
Тут дарэчы\\
Певень выпырхнуў з-пад печы:\\
– Вам хлусіць і я не стану,\\
Кот даўно не еў смятану.\\
Шэпча мышцы кот на вуха:\\
– На гладышку села муха.\\
Мышка скача, мышка рада:\\
– Гэта ж муха вінавата.\\
Не гаворыць толькі Янка,\\
Дзе падзелася смятанка.\\
\\
1964\\


\\
Крыніца: Грахоўскі, С. Выбраныя творы. У 2 т. Т. 2. Вершы, паэмы, казкі, пераклады. – Мінск: Мастацкая літаратура, 1983. – 414с.

 


===== Падобныя старонкі =====
  * [[ibdc.ped>незвычайная-мышка]]
  * [[творы/авяр-ян-дзеружынскі/авяр-ян-дзеружынскі-палявая-мышка]]
  * [[творы/сяргей-грахоўскі/сяргей-грахоўскі-мама]]
  * [[творы/авяр-ян-дзеружынскі/авяр-ян-дзеружынскі-мышка-і-неслухмянае-]]
  * [[постаці/сяргей-грахоўскі]]