Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Сяргей Грахоўскі — Сіла зямлі
&keywords = полі
&abstract = Чытаць верш "Сіла зямлі" Сяргея Грахоўскага
&iftrue = nan
~~

====== Сяргей Грахоўскі — Сіла зямлі ======
Калі зойдзецца сэрца ад болю\\
I прыстану зусім на хаду,\\
Пры дарозе ці ў ветраным полі\\
У даспелыя травы ўпаду –\\
\\
На палын, на халодны трыпутнік,\\
На пасохлы чабор і званец\\
Павалюся цішком, як пакутнік,\\
I падумаю: «Вось і канец».\\
\\
Ды пачую: стракочуць стракозы,\\
Па былінцы паўзуць мурашы –\\
Нечаканыя высахнуць слёзы,\\
Акрыяе надзея ў душы.\\
\\
На рамонках туманныя росы\\
I гараць, і цвітуць, і дрыжаць,\\
Маладзік устае з-за бярозы,\\
Каб у полі пшаніцу дажаць.\\
\\
Перапёлкі заходзяцца ў жыце,\\
Атрасаючы долу тугу.\\
Я прашу іх: «Хоць вы не кажыце,\\
Што прыстаў, што дайсці не магу».\\
\\
Узыходзіць над жытам Венера,\\
Моўкне плач адзінокай савы...\\
Я прыпаў да зямлі і паверыў,\\
Што ўваскрэсну, што зноўку жывы.

 


===== Падобныя старонкі =====
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]
  * [[творы/сяргей-грахоўскі/сяргей-грахоўскі-стары-млын]]
  * [[постаці/сяргей-грахоўскі]]
  * [[творы/сяргей-грахоўскі/сяргей-грахоўскі-мама]]
  * [[творы/сяргей-грахоўскі/сяргей-грахоўскі-прызнанне]]