~~META:
title = Сяргей Грахоўскі — Словы
&keywords = слова, словы, сэрца
&abstract = Верш Сяргея Грахоўскага "Словы"
&iftrue = nan
~~

====== Сяргей Грахоўскі — Словы ======
Над намі словы уладараць.\\
Мы чуем і гаворым іх.\\
Яны то здружаць, то пасвараць\\
Сяброў і ворагаў маіх.\\
\\
Бо словы розныя бываюць.\\
Адны – агню стрымаюць шквал,\\
Другія словы забіваюць\\
Усё жывое напавал.\\
\\
Ад слова сэрца халадзее,\\
Праходзіць сон і забыццё,\\
Ад слова рушацца надзеі,\\
Ад слова свеціцца жыццё.\\
\\
Ад слова вырастаюць крылы,\\
А ў сэрца грукае любоў,\\
Ад слова прыбываюць сілы,\\
Дык не шкадуйце шчырых слоў!\\
\\
А здатным толькі на дакоры\\
І гучна словамі грымець,\\
Каб не прыносіць людзям гора,\\
Было б найлепей анямець.

 


===== Падобныя старонкі =====
  * [[творы/іншае/слова-пра-паход-ігаравы]]
  * [[творы/алесь-бадак/алесь-бадак-як-стаць-чараўніком]]
  * [[творы/алег-лойка/алег-лойка-два-шчырых-словы]]
  * [[слоўнік/слова]]
  * [[творы/юрась-свірка/юрась-свірка-словы]]