Жанчына плача на прыпынку.
А ёй не робіцца лягчэй,
Хоць і бягуць, бягуць слязінкі
З яе заплаканых вачэй.

Якая ж у яе прычына?
Што ёй спакою не дае?
Падумаў я, ці не мужчына
Пакрыўдзіў толькі што яе?

Не дапамог або абразіў,
Упёрся ў графік ці статут.
Ці нізашто заляпаў граззю
I столькі нарабіў пакут.

Жанатыя і халастыя,
Успамінайце кожны раз,
Што ўсе жанкі крыху святыя,
Што маці нарадзіла вас.

• янка-сіпакоў/янка-сіпакоў-жанчына
• генадзь-бураўкін/генадзь-бураўкін-жанчын-прыгожых-трэба-б
• анатоль-вярцінскі/анатоль-вярцінскі-жаночая-гордасць
• віктар-карамазаў/віктар-карамазаў-жанчына-ў-чорным-і-афга
• эдуард-акулін/эдуард-акулін-жанчына