~~META:
title = Сяргей Грахоўскі — Плача жанчына
&keywords = жанчына
&abstract = Чытаць верш Сяргея Грахоўскага "Плача жанчына"
&iftrue = nan
~~

====== Сяргей Грахоўскі — Плача жанчына ======
Жанчына плача на прыпынку.\\
А ёй не робіцца лягчэй,\\
Хоць і бягуць, бягуць слязінкі\\
З яе заплаканых вачэй.\\
\\
Якая ж у яе прычына?\\
Што ёй спакою не дае?\\
Падумаў я, ці не мужчына\\
Пакрыўдзіў толькі што яе?\\
\\
Не дапамог або абразіў,\\
Упёрся ў графік ці статут.\\
Ці нізашто заляпаў граззю\\
I столькі нарабіў пакут.\\
\\
Жанатыя і халастыя,\\
Успамінайце кожны раз,\\
Што ўсе жанкі крыху святыя,\\
Што маці нарадзіла вас.

 


===== Падобныя старонкі =====
  * [[творы/янка-сіпакоў/янка-сіпакоў-жанчына]]
  * [[творы/генадзь-бураўкін/генадзь-бураўкін-жанчын-прыгожых-трэба-б]]
  * [[творы/анатоль-вярцінскі/анатоль-вярцінскі-жаночая-гордасць]]
  * [[творы/віктар-карамазаў/віктар-карамазаў-жанчына-ў-чорным-і-афга]]
  * [[творы/эдуард-акулін/эдуард-акулін-жанчына]]