~~META:
title = Сяргей Грахоўскі — Песня будзе жыць
&keywords = песня, маўчаць, бары, родны
&abstract = Чытаць верш Сяргея Грахоўскага "Песня будзе жыць"
&iftrue = nan
~~

====== Сяргей Грахоўскі — Песня будзе жыць ======
//Памяці [[постаці/якуб-колас|Якуба Коласа]]//

\\
Сягоння журацца бары на Беларусі,\\
Прыбіты сцежкі кроплямі расы,\\
Замоўкла песня на асеннім лузе,\\
І падаюць на пожню каласы.\\
Над Нёманам схіліліся рабіны,\\
Маўчаць над Сожам пушчы і сады.\\
Мой родны кут, якога сына,\\
Якую песню страціў ты!\\
Маўчаць палі у кроплях буйных рос,\\
Бары маўчаць, а сэрца плача ўголас.\\
Мой родны кут, упаў буйнейшы колас,\\
Што на тваёй зямлі узрос.\\
Ён не паспеў аб нашым слаўным часе\\
Ўсяго сказаць, усіх паэм злажыць.\\
Пайшоў пясняр, а песня засталася,\\
Памёр паэт, а песня будзе жыць.\\
\\
1956

\\
\\
Крыніца: Грахоўскі, С. Выбраныя творы. У 2 т. Т. 1. Вершы [Аўт. прадм. В. Вітка]. – Мінск: Мастацкая літаратура, 1983. – 382с.

 


===== Падобныя старонкі =====
  * [[творы/якуб-колас/паэма-новая-зямля-мастацкая-энцыклапедыя]]
  * [[творы/якуб-колас/творчасць-якуба-коласа]]
  * [[творы/якуб-колас/духоўнае-багацце-чалавека-ў-паэме-новая-]]
  * [[творы/якуб-колас/карціны-роднай-прыроды-ў-паэме-новая-зям]]
  * [[творы/якуб-колас/служэнне-народу-асноўны-абавязак-мастака]]