~~META:
title = Сяргей Грахоўскі — Першая настаўніца
&keywords = ніколі, забуду, настаўніцы, першай
&abstract = Чытаць верш Сяргея Грахоўскага "Першая настаўніца"
&iftrue = nan
~~

====== Сяргей Грахоўскі — Першая настаўніца ======
Я не забуду ніколі\\
Сшыткі, пеналы, буквар,\\
Першыя радасці ў школе,\\
Першай настаўніцы твар.\\
\\
Я не забуду ніколі\\
Рукі яе, што вялі\\
Нас, як па роднаму полю,\\
Па неабсяжнай зямлі.\\
\\
Я не забуду ніколі\\
Ясных і добрых вачэй.\\
Можа, ад іх наваколле\\
Стала шырэй і ярчэй.\\
\\
Першай настаўніцы словы,\\
Дзе мне не здарыцца быць,\\
Так, як і матчыну мову,\\
Нельга ніколі забыць.

 


===== Падобныя старонкі =====
  * [[творы/васіль-вітка/васіль-вітка-свята-настаўніцы]]
  * [[творы/васіль-жуковіч/васіль-жуковіч-першая-настаўніца]]
  * [[творы/эдзі-агняцвет/эдзі-агняцвет-твая-настаўніца]]
  * [[ibdc.ped>пах-грыбоў]]
  * [[ibdc.ped>свята-настаўніцы]]