~~META:
title = Сяргей Грахоўскі — Перасцярога
&keywords = зямля
&abstract = Чытаць верш "Перасцярога" Сяргея Грахоўскага
&iftrue = nan
~~

====== Сяргей Грахоўскі — Перасцярога ======
Адно з двух, або людзі зробяць так,\\
што ў паветры стане меней дыму,\\
або дым зробіць так, што на Зямлі\\
стане меней людзей.\\
//«Кур’ер ЮНЕСКА»//

Прапахла паветра бензінам, саляркаю, газам,\\
Аж моташна ліпам, каштанам, бярозам

і вязам.

\\
Ад сіняга дыму ссыхае сасна за сасною,\\
Іх рэжуць на дровы і ў шуркі складаюць

вясною.

\\
Даўно пазнікалі з зялёнае паркавай зоны\\
Дразды, вераб’і, салаўі і вароны.\\
Закураны пылам прамытыя з раніцы шыбы,\\
Прапахлі мазутам злінялыя сонныя рыбы.\\
Пацягне ад комінаў ветрыкам слабым —\\
I ў сажалцы ўжо захлынаюцца жабы.\\
На яблынях вецце увесну пасыпана густа\\
Забойнаю дозай атрутнага дусту,\\
I сад у зняменні глядзіць невясёлы,\\
Як з кветак на дол асыпаюцца пчолы.\\
Радзеюць гаі, пералескі, прысады і пушчы,\\
I толькі яшчэ чалавек застаецца трывушчы:\\
Ён дыхае дымам, аглушаны звонам і гудам,\\
I дзівіцца сам, што трымаецца цудам.\\
Ён б’е свідравіны, укладвае рэйкі і шпалы:\\
Што зранку здабыў, таго ўвечары мала.\\
Ён выграб да рэшты глыбокія нетры,\\
I чадам прапахлі вада і далёкія кедры.\\
Мы — людзі нашчадкам пакінуць павінны\\
Празрыстую рэчку і спеў салаўіны.\\


 


===== Падобныя старонкі =====
  * [[постаці/сяргей-грахоўскі]]
  * [[творы/сяргей-грахоўскі/сяргей-грахоўскі-мама]]
  * [[творы/пімен-панчанка/пімен-панчанка-раўнавага]]
  * [[творы/сяргей-грахоўскі/сяргей-грахоўскі-папярэджанне]]
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]