~~META:
title = Сяргей Грахоўскі — Пачатак
&keywords = свайму
&abstract = Чытаць верш Сяргея Грахоўскага "Пачатак"
&iftrue = nan
~~

====== Сяргей Грахоўскі — Пачатак ======
За Глускам, у глухіх барах,\\
Яшчэ маё блукае рэха,\\
І дзень суніцамі працах,\\
Даспелі першыя арэхі,\\
\\
І золкі золак на Пцічы\\
Мяне штодня дадому кліча,\\
Дзе расцвітаюць касачы\\
І дзе гады зязюля лічыць,\\
\\
Дзе каля цёмнае вады,\\
На вузенькім пясчаным мысе,\\
Мае дзіцячыя сляды\\
Дасюль, магчыма, засталіся.\\
\\
Я іх ніколі не знайду,\\
Не адшукаю хісткай кладкі,\\
А ўсё ж лячу к свайму гнязду,\\
К свайму адзінаму пачатку.\\
\\
1964\\


\\
Крыніца: Грахоўскі, С. Выбраныя творы. У 2 т. Т. 1. Вершы [Аўт. прадм. В. Вітка]. – Мінск: Мастацкая літаратура, 1983. – 382с.

 


===== Падобныя старонкі =====
  * [[творы/ніна-мацяш/ніна-мацяш-жыла-была-рака]]
  * [[ibdc.ped>нёман]]
  * [[творы/эдзі-агняцвет/эдзі-агняцвет-рэчка-рэчанька-мая]]
  * [[творы/якуб-колас/якуб-колас-каля-рэчкі]]
  * [[творы/анатоль-грачанікаў/анатоль-грачанікаў-шарпілаўка-цячэ-ў-жыц]]