~~META:
title = Сяргей Грахоўскі — На схіле дня
&keywords = далёкі, рабіна
&abstract = Чытаць верш Сяргея Грахоўскага "На схіле дня"
&iftrue = nan
~~

====== Сяргей Грахоўскі — На схіле дня ======
Ліловым дымам сцелюцца па ўзгорках\\
I шапацяць таемна верасы,\\
Мільгаюць у арэшніку вавёркі,\\
На дол сцякаюць кропелькі расы,\\
\\
Сівы туман курыцца над лугамі,\\
Дзяўбе далёкі дзяцел цішыню,\\
Буслы плывуць шырокімі кругамі\\
I плаўна набіраюць вышыню.\\
\\
На хвоі дагарэў вішнёвы промень,\\
I небасхіл паволі дагарыць,\\
Рабіна ледзь трымаецца на строме\\
I золатам, і полымем гарыць.\\
\\
Далёкі пах бярозавага дыму\\
I развітальны голас журавоў\\
Мяне заўсёды клічуць на радзіму,\\
I я

спяшаюся дамоў.

 


===== Падобныя старонкі =====
  * [[творы/сяргей-грахоўскі/сяргей-грахоўскі-стары-млын]]
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]
  * [[творы/сяргей-грахоўскі/сяргей-грахоўскі-прызнанне]]
  * [[творы/сяргей-грахоўскі/сяргей-грахоўскі-мама]]
  * [[постаці/сяргей-грахоўскі]]