~~META:
title = Сяргей Грахоўскі — Лета
&keywords = прыходзіць, дета, чакаюць
&abstract = Чытаць верш Сяргея Грахоўскага "Лета"
&iftrue = nan
~~

====== Сяргей Грахоўскі — Лета ======
Прыходзіць лета звонкае\\
Птушынаю гамонкаю,\\
Над сінімі азёрамі\\
Яно ўзыходзіць зорамі,\\
А пахне медуніцамі\\
І спелымі суніцамі.\\
Прыходзіць лета сцежкамі\\
З малінай, сыраежкамі,\\
Частуе на пагорку\\
Арэхамі вавёрку,\\
На возеры, ля берага,\\
Гукае зайца шэрага...\\
Куды ні глянь – усюды\\
Цябе чакаюць цуды,\\
Цябе чакаюць сцежкі\\
І радасныя ўсмешкі,\\
Лугі, лясы, палі\\
І шчасце на зямлі.

 


===== Падобныя старонкі =====
  * [[творы/якуб-колас/якуб-колас-лета]]
  * [[ibdc.ped>летам-у-бары]]
  * [[творы/максім-багдановіч/максім-багдановіч-плакала-лета-зямлю-пак]]
  * [[творы/якуб-колас/якуб-колас-летам]]
  * [[ibdc.ped>шчаслівая-ўсмешка-лета]]