~~META:
title = Сяргей Грахоўскі — Колас
&keywords = колас
&abstract = Чытаць верш "Колас" Сяргея Грахоўскага
&iftrue = nan
~~

====== Сяргей Грахоўскі — Колас ======
Ён узышоў на нёманскай раллі\\
З маленькага адборнага зярняці.\\
Слязьмі і потам палівала маці\\
Яго на поснай, не сваёй зямлі.\\
\\
Ён прагна пацягнуўся да святла —\\
Сцяблінка ледзьве-ледзь пласты

прабіла

Ад градабою дзічка засланіла,\\
Ад згубы перапёлка зберагла.\\
\\
Закаласеў, закрасаваў,

высока

Падняў над жытнім полем галаву:\\
Убачыў нашу ніву, і траву,\\
I сонца, і ружовыя аблокі.\\
\\
У навальніцу буйныя вятры\\
Кацілі збожжа ўспененыя хвалі,\\
Але высокі колас не зламалі\\
I нават не сагнулі без пары.\\
\\
Ён выстаяў і выспеліў зярняты,\\
Яму шапталі казкі васількі,\\
Яго віталі крыллем ветракі,\\
Здалёк з надзеяй пазіралі хаты.\\
\\
Шумела жыта, і каціўся голас\\
То грозны, то пяшчотны ў цішыні,\\
Заходзіўся жаўрук у вышыні,\\
А песні жалю пеў даспелы колас.\\
\\
Праз дым пажараў завітала свята\\
У нашыя прасторныя палі.\\
Вялікі Колас выспеліў зярняты —\\
Адвечны скарб для новае зямлі.

 


===== Падобныя старонкі =====
  * [[творы/якуб-колас/паэма-новая-зямля-мастацкая-энцыклапедыя]]
  * [[творы/якуб-колас/творчасць-якуба-коласа]]
  * [[творы/якуб-колас/служэнне-народу-асноўны-абавязак-мастака]]
  * [[творы/якуб-колас/карціны-роднай-прыроды-ў-паэме-новая-зям]]
  * [[творы/якуб-колас/духоўнае-багацце-чалавека-ў-паэме-новая-]]