~~META:
title = Сяргей Грахоўскі — Касманаўты
&keywords = гартуем
&abstract = Чытаць верш Сяргея Грахоўскага "Касманаўты"
&iftrue = nan
~~

====== Сяргей Грахоўскі — Касманаўты ======
Не спяць дарослыя і дзеці,\\
Глядзіць у неба цэлы свет:\\
Зноў касманаўты у ракеце\\
Да зорак пракладаюць след.\\
\\
А на далёкім касмадроме\\
Шуміць вясною белы сад,\\
Чакае старту невядомы\\
Адважны новы касманаўт.\\
\\
I мы свае гартуем сілы,\\
Гартуем волю з году ў год,\\
А падужэюць нашы крылы –\\
I мы адправімся ў палёт.

 


===== Падобныя старонкі =====
  * [[творы/яўген-крупенька/яўген-крупенька-мы-касманаўты]]
  * [[творы/васіль-зуёнак/васіль-зуёнак-пачакай-дзядуля-марс]]
  * [[постаці/сяргей-грахоўскі]]
  * [[ibdc.ped>камандзіроўка-на-марс]]
  * [[творы/сяргей-грахоўскі/сяргей-грахоўскі-мама]]