~~META:
title = Сяргей Грахоўскі — Калыханка
&keywords = спі, спявае, заснула, хутчэй, засні, сон
&abstract = Чытаць "Калыханку" Сяргея Грахоўскага
&iftrue = nan
~~

====== Сяргей Грахоўскі — Калыханка ======
Носіць зорны парасон\\
І нячутна ходзіць сон,\\
Ціха, голасам бабулі\\
Ён спявае: «Люлі-люлі,\\
\\
Люлі-люлі, люлі-люлі,\\
Дзеткі ўсе даўно заснулі.\\
Зоркі спяць у вышыні,\\
Дык і ты хутчэй засні.\\
\\
Залаты маладзічок\\
Лёг у небе на бачок,\\
На канапе дрэмле мішка,\\
Пад сталом заснула мышка.\\
\\
– Люлі-люлі, а-а-а, –\\
Шэпча росная трава.\\
– Баю-бай, – спявае слон\\
І вядзе ў дзівосны сон –\\
\\
На пуховыя падушкі\\
І ў краіну райскай птушкі.\\
Усё заснула ў цішыні,\\
Дык і ты хутчэй засні.\\
\\
Люлі-люлі, баю-бай,\\
Спі, дзіцятка, засынай,\\
Дарма вочкі не сляпі,\\
Спі спакойна, спі, спі.\\
А-а-а... А-а-а...».

 


===== Падобныя старонкі =====
  * [[слоўнік/калыханка]]
  * [[творы/ніна-мацяш/ніна-мацяш-калыханка-маме]]
  * [[творы/алесь-камароўскі/алесь-камароўскі-чарнобыльская-калыханка]]
  * [[ibdc.ped>калыханка]]
  * [[творы/васіль-вітка/васіль-вітка-калыханка]]