~~META:
title = Сяргей Грахоўскі — Зімовы сум
&keywords = снег, завіруха, замяла
&abstract = Чытаць верш Сяргея Грахоўскага "Зімовы сум"
&iftrue = nan
~~

====== Сяргей Грахоўскі — Зімовы сум ======
І дзень і ноч шалее завіруха,\\
Па шыбы вокны замяла,\\
У коміне галосіць вецер глуха,\\
– Ні выйсці, і ні выехаць з сяла.\\
\\
Іскрысты снег на сонцы слепіць вочы,\\
Рыпіць пад палазамі і ступой,\\
Блакітам адлівае сярод ночы.\\
Мільгаюць зоры, ціша і спакой.\\
\\
Пабеленыя снегам аканіцы,\\
Між трэшчын тлеюць рысачкі святла.\\
Такою мне мая Радзіма сніцца,\\
Дзе ўсе шляхі завея замяла.\\
\\
Такою любаю з далёкіх дзён\\
Яна прыходзіць у чароўны сон:\\
Чым снег і завіруха, і зіма,\\
Здаецца, прыгажэйшага няма.

 


===== Падобныя старонкі =====
  * [[творы/міхась-чарот/міхась-чарот-завіруха]]
  * [[ibdc.ped>завіруха]]
  * [[ibdc.ped>бура]]
  * [[творы/эдзі-агняцвет/эдзі-агняцвет-галоўны-дворнік]]
  * [[творы/алесь-гарун/алесь-гарун-завіруха]]