~~META:
title = Сяргей Грахоўскі — Завея
&keywords = завулках, завея, даўно
&abstract = Чытаць верш Сяргея Грахоўскага "Завея"
&iftrue = nan
~~

====== Сяргей Грахоўскі — Завея ======
Завея білася ў акно.\\
Яна і сёння ў шыбы б'ецца,\\
А ўсё, што страчана даўно,\\
Надоўга ў сэрцы застаецца.\\
Ішоў і днём, і ноччу снег,\\
У браму грукаў вецер гулка,\\
Зрываў блакітны пыл са стрэх\\
І гнаў па вузенькіх завулках.\\
\\
Стаяў у хаце змрок густы,\\
Трымцела сэрца ў хваляванні,\\
Але была у змроку ты\\
І мне свяціла да світання.\\
Шумяць у зайсці сады.\\
Твайго ж даўно не чутна слова.\\
Гудзе завея, як тады\\
У глухіх завулках Магілёва.\\
\\
1981

\\
\\
Крыніца: Грахоўскі, С. Выбраныя творы. У 2 т. Т. 2. Вершы, паэмы, казкі, пераклады. – Мінск: Мастацкая літаратура, 1983. – 414с.

 


===== Падобныя старонкі =====
  * [[творы/мікола-чарняўскі/мікола-чарняўскі-снежань]]
  * [[творы/алесь-разанаў/алесь-разанаў-завея]]
  * [[творы/сяргей-грахоўскі/сяргей-грахоўскі-мама]]
  * [[постаці/сяргей-грахоўскі]]
  * [[ibdc.ped>завея]]