~~META:
title = Сяргей Грахоўскі — Душа
&keywords = \r\ni, &rarr, \r\nне, віктар, жылка, барадулін, карамазаў, бадак, \r\nў, алесь, \r\nмяне, гарэцкі, віктар карамазаў, алесь бадак
&abstract = Чытаць верш "Душа" Сяргея Грахоўскага
&iftrue = nan
~~

====== Сяргей Грахоўскі — Душа ======
Мяне выхоўвалі,\\
Мяне захоўвалі,\\
Я то з’яўляўся,\\
То знікаў,\\
Мяне вадзілі\\
I ахоўвалі,\\
Хоць я нікуды\\
Не ўцякаў.\\
\\
I пад замкамі,\\
I пад пломбамі,\\
Нібы каштоўнасць,\\
Бераглі\\
I неба клеткамі\\
I ромбамі\\
Разлінавалі,\\
Як маглі.\\
\\
Мяне узважвалі і мералі,\\
Здымалі\\
Ў профіль і анфас,\\
Але ні разу\\
Не праверылі\\
Душы наяўнасць\\
I запас.\\
\\
Шкада,\\
Што не здымаюць копію\\
З яе юрысты\\
I ўрачы,\\
I ні адна дактыласкопія\\
Не можа тут дапамагчы.\\
\\
Мая душа\\
Супраціўлялася,\\
Бо верыла і тым жыла,\\
І не чарсцвела\\
Не ламалася —\\
Была такою, як была.\\
\\
Хоць дзіўна,\\
Ў чым яна трымалася,\\
А паспрабуй\\
Яе сагні!\\
Яна ж з маленства\\
Гартавалася\\
На чыстым,\\
Праведным агні.\\
\\
1964

 


===== Падобныя старонкі =====
  * [[творы/алесь-бадак/алесь-бадак-душа]]
  * [[творы/максім-гарэцкі/максім-гарэцкі-стогны-душы]]
  * [[творы/рыгор-барадулін/рыгор-барадулін-душа-баліць]]
  * [[творы/віктар-карамазаў/віктар-карамазаў-зачараваная-душа]]
  * [[творы/уладзімір-жылка/уладзімір-жылка-душа-мая-тужлівая]]