~~META:
title = Сяргей Грахоўскі — Доўгае рэха
&keywords = Грахоўскі, доўгае, рэха
&abstract = Чытаць верш "Доўгае рэха" Сяргея Грахоўскага
&iftrue = nan
~~

====== Сяргей Грахоўскі — Доўгае рэха ======
Я адзін каля вогнішча ў полі.\\
Толькі іскры мігцяць і мігцяць,\\
То знікаюць у дыме паволі,\\
То да зор таямнічых ляцяць.\\
\\
Я адзін. Толькі вецер трывожна\\
У ракітніку голым гудзе.\\
Можа, ў полі зблудзіў падарожны\\
I дарогу не знойдзе нідзе.\\
\\
Я гукаю, і доўгае рэха\\
У асенняе поле плыве,\\
Замаўкае альбо на пацеху\\
Азываецца сумнай саве.\\
\\
Я адзін каля вогнішча ноччу.\\
Толькі ўласны гайдаецца цень.\\
Я на зоры гляджу і прарочу\\
Ясны ранак і сонечны дзень.\\
\\
1988

 


===== Падобныя старонкі =====
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]
  * [[творы/сяргей-грахоўскі/сяргей-грахоўскі-стары-млын]]
  * [[творы/сяргей-грахоўскі/сяргей-грахоўскі-мама]]
  * [[творы/сяргей-грахоўскі/сяргей-грахоўскі-прызнанне]]
  * [[постаці/сяргей-грахоўскі]]