~~META:
title = Сяргей Грахоўскі — Дзяцел
&keywords = каралі, след, лячу, паспелі, палячу, елку
&abstract = Чытаць верш Сяргея Грахоўскага "Дзяцел"
&iftrue = nan
~~

====== Сяргей Грахоўскі — Дзяцел ======
Я на елку палячу –\\
Ўсе галінкі палячу:\\
Дзюба ў мяне доўгая,\\
Буду стукаць доўга я.\\
Пазіраю я гады,\\
Як буяюць ягады:\\
З журавін зрабіў каралі –\\
Журавы мяне каралі,\\
А суніцы ледзь паспелі,\\
Іх дразды скляваць паспелі.\\
Я спалохаў іх як след,–\\
І прапаў адразу след.\\
Прахаплюся я са сну\\
І на елку ці сасну\\
Зноў на досвітку лячу –\\
Дрэва кожнае лячу.\\
\\
1975

\\
\\
Крыніца: Грахоўскі С. Выбраныя творы. У 2-х т. Т. 2. Вершы, паэмы, казкі, пераклады.: Маст. літ., 1983. – 414 с.

 


===== Падобныя старонкі =====
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[ibdc.ped>птушкі-шчасця]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/птушкі-i-гнёзды-сцюдзёны-вырай-аповесць-]]